«Առաջին լրատվականը» անդրադարձել է այն հարցին, թե ինչպես ԿՀԴՊԳՎ 4-րդ վարչության պետ Նազարեթ Մնացականյանը՝ Քյանքյուլ մականունով, կասկածվում էր 65,000 ԱՄՆ դոլլար տանելու և 4-րդ վարչության պետի տեղակալ Ա.Բերեզովսկու և ԿՀԴՊԳՎ պետ Գագիկ Ավետիսյանի հետ կիսելու մեջ: Ոստիկանության մեր աղբյուրներից պարզ դարձավ, որ ոստիկանության ներքին անվտանգության ծառայությունում 2 ամիս տևած ծառայողական քննության ընթացքում այդպես էլ ոչինչ չպարզվեց: Նազարեթը նույնիսկ բացատրություն էլ չի տվել:
Իսկ այն օպերլիազորները, որոնք բացատրություններ են տվել, բոլորը նախօրոք հրահանգավորվել են Նազարի կողմից իր աշխատասենյակում: Սակայն մեր տեղեկություններով տուժողը, որի մոտից օդանավակայնում ձերբակալման պահին առգրավել էր, այսօր սակայն կարելի է ասել գողացվել է 65 հազար դոլարը՝ «Քիմտեխի» նախկին տնօրեն Սամվել Խաչատրյանը, որն այժմ կալանավորված է և թմրանյութեր արտադրվելու մեջ է մեղադրվում, բանավոր պատմել է դեպքի որոշ մանրամասներ: Նա ասել է՝ ինչ եք ուզում այդ «ջահել օպերներից», գումարը վերցրել է Նազարը (Նազարեթ Մնացականյանը): Ս.Խաչատրյանը ասել է, որ այդ մասին գիտի նաև 6-ի պետ Գագիկ Ավետիսյանը, որը Նազարի հետ ժամանակին եկել է իր մոտ՝ բերելով բազմաթիվ աշխատակիցների նկարներ, իբր ճանաչում կատարելու համար: Հենց այդ ժամանակ Ս.Խաչատրյանը Գագիկ Ավետիսյանին ասել է, որ նրա հետ եկած Նազարն է վերցրել այդ 65,000 ԱՄՆ դոլլար գումարը: 6-ի պետ Գ.Ավետիսյանը խոստացել է, որ եթե ճշտվի, թե ով է տարել, ինքն անձամբ կպատժի, կկալանավորի և որ ինքը՝ Գ.Ավետիսյանը, այդ գումարից տեղյակ չէ: Իրականում, սակայն, ըստ մեր աղբյուրի, Գ.Ավետիսյանը առաջին իսկ օրվանից տեղյակ է եղել այդ գումարից:
Մեր աղբյուրներից պարզ դարձավ, որ 2 ամիս տևած ծառայողական քննության նյութերը հունիսի 14-ից ուղարկվել է ՀՔԾ: Գործի հետ առնչված օպերլիազորներին Նազարը, մինչ ՀՔԾ-ում նրանց կանչելը, իր աշխատասենյակում հրահանգավորել է, թե ինչպիսի բացատրություններ տան: Նազարը տարբեր իրեն հարազատ շրջանակներում գլուխ է գովացել, որ Հանրապետության նախագահի մակարդակով ինչ պետք է, արված է, քանի որ ինքը նախագահի խնամի Ա.Մինասյանի ընկերն է, իսկ իր եղբայրը՝ Թալինի քաղաքապետ Մնացը, որի հետ միասին իրենք նախագահական ընտրություններում նախագահին մեծ ծառայություն են մատուցել, կռիվ սարքելով Լևոնի միտինգի ժամանակ: Իր մոտ շրջապատում Նազարը գլուխ է գովացել՝ «խի նախագահը հո չի՞ մոռացել, թե ինչեր ենք արել իրա համար»: Նազարը նաև շարունակ ասում է, որ իր մորաքրոջ տղան՝ Ցախկալով Աբոն, ընդհանուր բիզնեսի մեջ է վեհափառ Գարեգին Բ-ի հետ և նա էլ իր հերթին վեհափառին է խնդրել, որ իրեն չպատժեն: Մեր տվյալներով, Գարեգին Բ-ն ևս հովանավոր է կանգնել Նազարի համար: