Նոյեմբերի 22-ին ԵՊԼՀ-ում մեկնարկեց «Սոցիալ-քաղաքական գործընթացները ժամանակակից Ռուսաստանում» թեմայով գիտա-փորձարարական սեմինարը: Միջոցառումը կազմակերպվել է «Եվրասիական հետազոտությունների կենտրոն» զարգացման ֆոնդի և ԵՊԼՀ-ի կողմից: Բացման նիստի ժամանակ զեկույցներ ներկայացրին ՌԴ դեսպան Վ. Կովալենկոն, «Եվրասիական հետազոտությունների կենտրոն» զարգացման ֆոնդի փոխնախագահ Ա. Գերան, ԵՊԼՀ ռեկտոր Ս. Զոլյանը, ՀՀ ԱԳ փոխնախարար Շ. Քոչարյանը և այլ հյուրեր: ՌԴ հյուրերը իրենց ելույթներում ներկայացրին իրենց դիտարկումները Ռուսաստանում տեղի ունեցող սոցիալ-քաղաքական գործընթացների մասին, ինչպես նաև քննարկեցին հայ-ռուսական հարաբերությունների ներկա փուլը և հեռանկարները: Հյուրերից շատերը իրենց ելույթներում մատնանշեցին հայ-ռուսական հարաբերությունների դինամիկ զարգացումը ոչ միայն պետական, այլև հումանիտար, գիտական ու ուսումնական մակարդակով, որտեղ շատ կարևոր է նման գիտաժողովների կազմակերպումը: ԵՊԼՀ ռեկտոր Ս. Զոլյանը ողջունեց հյուրերին և ասաց, որ սեմինարը լավ նվեր է համալսարանի 75-ամյակի առթիվ: «Մենք համագործակցում ենք Ռուսաստանի տարբեր քաղաքների համալսարանների հետ, ի դեպ, այդ համագործակցությունը ոչ մի պետական ֆինանսական օգնություն չի ստանում»: Զեկույցներ ներկայացվեցին «Ռուսաստանի արտաքին քաղաքականության հիմնական սկզբունքները ռուս-հայկական հարաբերությունների լույսի ներքո», «Ռուսաստանը որպես միջազգային հանրային ապրանքների արտադրող» և այլ թեմաներով:
Գիտա-փորձարարական սեմինարը շարունակվելու է մինչև նոյեմբերի 25-ը: Բուն ծրագրում ընդգրկված են զեկույցներ, քննարկումներ :