Ամեն ինչ հաճախորդների շուրջ ու հաճախորդների համար․ IDBank-ը Հյուսիսային 6 հասցերում տվել է բանկային նոր մշակույթի մեկնարկը։ Երևանի սրտում գտնվող գրասենյակում այսուհետ կարելի է կատարել բանկային գործառնություններ, օգտվել Privilege Banking-ի ծառայություններից, ստանալ իրավաբանական անձանց մատուցվող ծառայություններ հատուկ նախատեսված սրահում, Cofeeshop Company-ի ESPRESS IT սրճարանում վայելել իսկական սուրճ կամ համտեսել համեղ ուտեստներ։
Բանկի վարչության նախագահ Մհեր Աբրահամյանը վստահեցնում է՝ իրենք մեկնարկ են տալիս բանկային նոր մշակույթի, իսկ կենտրոնում առաջարկվող ծառայությունները առաջիկայում ավելի են կատարելագործվելու։
Առաջին հարկում գործող նորարարական լուծումներով համալրված մասնաճյուղը կաշխատի 9։15-22։00, շաբաթ օրը՝ 10։00-ից 16։00, idworking-ը կաշխատի ամեն օր` ժամը 10։00-2։00, իսկ ESPRESS IT սրճարանը շուտով պատրաստ կլինի ընդունել իր հաճախորդներին շուրջօրյա ռեժիմով։
«ժամանակակից կյանքի ռիթմին ու պահանջներին համապատասխան այս կենրտոնում հաճախորդները խնայում են և՛ ժամանակ, և՛ ստանում առավելագույն ծառայություններ»,- վստահեցնում է Բանկի բիզնեսի զարգացման տնօրեն Կարեն Նալբանդյանը։
Կենտրոնում գործող արտոնյալ ծառայությունների բաժնից՝ Privilege Banking-ից, ի դեպ, կարող են օգտվել այն հաճախորդները, ովքեր ձեռք կբերեն հայաստանյան շուկայի համար նոր՝ Visa Signature քարտը։
Կենտրոնի բացման արարողության շրջանակներում էլ տեղի ունեցավ հենց այս քարտի շնորհանդեսը՝ վիզա միջազգային համակարգի Կովկասի տարածաշրջանի ղեկավար Քրիստինա Դորոսի մասնակցությամբ։ Հյուրերի ցանկում էին Երևանի քաղաքապետ Հայկ Մարությանը, ԿԲ նախագահ Արթուր Ջավաֆյանը, գործարարներ, հաճախորդներ։
Visa Signature պրեմիում դասի քարտը Հայաստանում առաջինը ներկայացում է IDBank-ը։ Քարտը ձեռք բերելով՝ բանկի հաճախորդները հնարավորություն կունենան օգտվել բանկի անհատական և արտոնյալ ծառայություններից, ինչպես նաև բանկի և վիզայի կողմից տրամադրված առավելություններից։
Visa Signature-ը մի շարք առավելություններ ունի ճանապարհորդությունների, գնումներ և ապրելակերպի համար։ Պրեմիում դասի այդ քարտն արդեն հասանելի է։