Թաիլանդական Nok Air ավիաընկերության օդանավը վրաերթի է ենթարկել քարշակին եւ սպանել է նրա վարորդին: Վթարը տեսանկարահանվել է, իսկ տեսանյութը հրապարակել է The Bangkok Post-ը:
Հրապարակված տեսանյութում երեւում է, թե ինչպես է օդանավը վրաերթի ենթարկելով քարշակին շարունակում առաջ գնալ, բայց որոշ ժամանակ անց կանգ է առնում:
Դեպքը տեղի է ունեցել ուրբաթ՝ փետրվարի 7-ի առավոտյան Դոուն Մուանգ բանգկոկյան օդանավակայանում: Ինչպես հաղորդել է օդանավակայանի ներկայացուցիչը, քարշակի վարորդը տեխնիկական պատճառներով ստիպված է եղել կանգնեցնել քարշակը, սակայն օդանավը շարունակել է առաջ շարժվել:
Արդյունքում, քարշակի վարորդը զոհվել է, նրա օգնականը, որը նույնպես եղել է քարշակում՝ վիրավորվել է: Օդանավի ուղեւորներն իրենց թռիչքը շարունակել են այլ օդանավով:
