«Իշխանության վարկանիշի անկում միանշանակ կա, և դրանից ողբերգություն սարքել պետք չէ, որովհետև պատմության մեջ չի եղել իշխանություն, որ պատմության մեջ ունենա նույնքան հանրային վստահություն իր ընտրության ժամանակ, որքան 1, 2, 3 տարի անց: Սա նորմալ պրոցես է: Ակնհայտ է, որ Նիկոլ Փաշինյանը հանրաքվեի դնելու է իշխանության վստահության հարցը: Երեկ ինքն իր ելույթում դա ասեց, որ այդ հանրաքվեն լինելու է հեղափոխությանը վստահության հանրաքվե: Ակնհայտ է, որ ձևակերպումը, որով գնալու են քարոզարշավի, դա է լինելու: Եկեք ապրենք, կտեսնենք: Դե յուրե դա լինելու է ՍԴ լուծարման հարցը, բայց ձևակերպումը լինելու է հետևյալը՝ «եթե դուք վստահում եք իշխանությանը, ապա այդ հարցը պետք է լուծեք «այո» տարբերակով»: Եկեք առաջ չընկնենք և ժողովրդի փոխարեն չորոշենք, թե ինքն ինչ ընտրություն կկատարի»,- «Առաջին լրատվական»-ի հետ զրույցում ասաց ԱԺ ԲՀԿ խմբակցության պատգամավոր Նաիրա Զոհրաբյանը: