Սիրիայի զինվորականները Սարաքիբ քաղաքն են մտել, որը գտնվում է Իդլիբի նահանգում, հաղորդել է սիրիական պետական ՍԱՆԱ գործակալությունը։
Գործակալության տվյալներով, զինվորականներն արդեն սկսել են տարածքի ականազերծումը։
Նախօրեին միջարաբական «Աշ-Շարք ալ-Հաուսաթ» թերթը հաղորդել էր, որ սիրիական կառավարական ուժերը Սարաքիբի հյուսիսային հատվածում են։ Սիրիական ընդդիմության և «հայաթ Թահրիր աշ-Շամ» խմբավորման ջոկատներն իրենց հերթին նահանջել են այդ շրջանից։
Նշվում է, որ Սարաքիբ քաղաքը ռազմավարական կարևորություն ունի նահանգում, քանի որ տեղակայված է միջազգային M4 (Լաթաքիա-Հալեպ) և M5 (Դամասկոս-Հալեպ) մայրուղիների խաչմերուկում։
