Հնդկական Կերալա նահանգում բազմաբնակարան շենքի բնակիչները հայտնաբերել են, որ իրենց ծորակներից ալկոհոլի բնորոշ հոտով շագանակագույն հեղուկ է հոսում, հաղորդում է BBC-ն: Ավելի ուշ պարզվել է, դա գարեջրի, կոնյակի և ռոմի խառնուրդ է:
Պարզվել է, որ մոտակայքում 6 հազար լիտր առգրավված ալկոհոլ է թաղված, ինչն էլ խմելու ջրի աղտոտման պառճառ է դարձել: Դատարանի որոշմամբ առգրավված ալկոհոլը լցրել են հատուկ փորված փոսերի մեջ, բայց ալկոհոլը ներծծվել է հողի մեջ, այնուհետև հայտնվել ջրհորում, որտեղից կատարվում էր շենքի ջրամատակարարումը:
BBC-ն նշում է, որ հեղուկի հոտն այնքան սուր է եղել, որ ոչ ոք չի ցանկացել համտեսել այն:
Ջրհորի մաքրումը կտևի մոտ մեկ ամիս:
