Վենեսուելական ընդդիմության առաջնորդ Խուան Գուայդոն հրավիրվել է Սենատի և Ներկայացուցիչների պալատի առջև ԱՄՆ նախագահ Դոնալդ Թրամփի՝ «Երկրի վիճակի մասին» ուղերձով ամենամյա ելույթին։ Այս մասին հաղորդում է ՏԱՍՍ-ը՝ հղում անելով Սպիտակ տան մամլո ծառայությանը։
Նշվում է, որ Գուայդոն եղել է հատուկ հյուրերի ցուցակում որպես «Վենեսուելայի ժամանակավոր նախագահ և Վենեսուելայի Ազգային ժողովի առաջնորդ»։
2019 թվականի հունվարի 21-ին Վենեսուելայում սկսվեցին Մադուրոյի դեմ բողոքի զանգվածային ակցիաները՝ նրա երդմնակալությունից անմիջապես հետո։ Արդյունքում Գուայդոն հռչակեց իրեն երկրի ժամանակավոր նախագահ։ ԱՄՆ-ը և որոշ երկրներ ճանաչեցին Գուայդոյին որպես երկրի առաջնորդ։ Ռուսաստանը, Չինաստանը, Թուրքիան և մի շարք այլ երկրներ աջակցեցին Մադուրոյին՝ որպես լեգիտիմ նախագահի։