Թուրքիայի պաշտպանության նախարարությունը հայտարարել է, որ սիրիական քրդերի ինքնապաշտպանական ուժերը Սիրիայի հյուսիս-արևմուտքում գտնվող Աֆրին քաղաքում «Գրադ» համակարգից գնդակոծել են երկու դպրոց և մզկիթ, ինչի արդյունքում մեկ դպրոցական է զոհվել և յոթը վիրավորվել են։
Աֆրինն անցավ թուրքական բանակի և ընդդիմադիր «Սիրիական ազատ բանակի» (CCA) վերահսկողության տակ 2018 թվականի մարտին՝ սիրիական քրդերի կազմավորումների դեմ օպերացիայի արդյունքում։
«Քրդստանի աշխատավորական կուսակցություն» ահաբեկչական կազմակերպության զինյալները չորս հրթիռ են արձակել «Գրադ» համակարգից երկու դպրոցների և Աֆրինի կենտրոնում գտնվող մզկիթի վրա։ Ահաբեկչության արդյունքում մեկ դպրոցական է զոհվել, ևս յոթը վիրավորվել են»,- ասվում է Թուրքիայի պաշտպանության նախարարության հաղորդագրության մեջ։