Իսրայելի վարչապետ Բենյամին Նեթանյահուն ԱՄՆ-ին խնդրել է Պաղեստինի հետ հակամարտությունը լուծմանը միտված «դարի գործարք»-ում ներառել արաբների մի մասի համար քաղաքացիության փոփոխության դրույթը, ինչը նրանց կզրկի Իսրայելի հետ պաշտոնական կապերից: Այդ մասին հայտնում է Haaretz-ը:
Խոսքը սահմանազատման գծի մոտ գտնվող իսրայելցի արաբների քաղաքներում և գյուղերում, այսպես կոչված, «եռանկյունու» մեջ ապրող մարդկանց մասին է: Այս մարդիկ Պաղեստինի քաղաքացիություն ձեռք կբերեն նրա կազմում «եռանկյունու» տարածքի հնարավոր ներառումից հետո: Վարչակազմի կողմից բարձրաձայնված ձևակերպումը չի ենթադրում որևէ մեխանիզմ, որպեսզի այնտեղ ապրող արաբները հնարավորություն ունենան պահպանելու Իսրայելի քաղաքացիությունը, եթե ցանկանան:
Իսրայելցի արաբներին իրենց քաղաքացիությունից զրկելու գաղափարը աջակցություն է վայելում Իսրայելի տարբեր աջակողմյան քաղաքական գործիչների կողմից: Իրադարձությունների այսպիսի զարգացմանը կտրականապես դեմ է «Համատեղ ցուցակ» արաբական կուսակցությունների դաշինքը: Նրանք կարծում են, որ սա Նեթանյահուի՝ 400 հազար արաբների քաղաքացիությունից զրկելու վտանգավոր փորձն է։