Թուրքիան հովանավորել է «Ջաբհաթ ան-Նուսրա» խմբավորման ահաբեկչական գործունեությունը Սիրիայի տարածում: Այս մասին պատմել են գերեվարված գրոհայինները, հայտնում է ՏԱՍՍ-ը:
Նշվում է, որ Անկարան ահաբեկիչներին աջակցել է թե՛ ֆինանսապես, թե՛ կենդանի ուժով: Բացի այդ, գերիները պատմել են, թե ինչպես է Թուրքիան նրանց ստիպել համագործակցել՝ սպառնալով նրանց ընտանիքների նկատմամբ բռնաճնշումներով: «Մեզ ձերբակալեցին թուրք ոստիկանները և ասացին, որ եթե ես չաշխատեմ նրանց համար և կռվեմ «Ջաբհաթ ալ-Նուսրա»-ի կազմում, նրանք կսպանեն կամ կձերբակալեն իմ ընտանիքին»,- պատմել է Մահմուդ ան-Նաջիմ անունով զինյալը: Նա հավելել է, որ այժմ նրա հարազատները պատանդի կարգավիճակում են:
Հարցվածների խոսքերով, ծայրահեղականների շարքում Պակիստանից և Աֆղանստանից եկած զինյալներ կան: Նրանցից ոմանք փողի կարիք ունեն, ինչն էլ հենց շահարկվում է Թուրքիայի կողմից: «Իմ ընտանիքը սննդի համար բավարար գումար չուներ: Իսկ այդ ջոկատը հավաքագրում էր տղամարդկանց և գումար էր տալիս»,- նշել է մեկ այլ գերեվարված ահաբեկիչ Աբդել Ազիզը:
Ավելի վաղ, «Վեդոմոստի» պարբերականը գրել է, որը վերջին մի քանի շաբաթների ընթացքում թուրքական ստորաբաժանումները նկատելիորեն ակտիվացրել են գործողությունները, որոնք հստակորեն խախտում են սիրիական ճգնաժամի լուծման վերաբերյալ պայմանավորվածությունները: Ըստ ՌԴ պաշտպանության նախարարությանը մոտ աղբյուրի, Անկարան ամեն ինչ անում է սիրիական բանակի առաջխաղացումը դեպի Սերաքիբ կանխելու համար: