Չինացի սահմանապահները բոլոր ուղևորներին դուրս են բերել Պեկին-Մոսկվա գնացքից, որպեսզի նվազեցնեն նոր կորոնավիրուսի տարածման վտանգը:
Ռուսաստանը կորոնավիրուսի պատճառով փետրվարի 3-ից լիովին դադարեցրել է երկաթուղային հաղորդակցությունը Չինաստանի հետ: Գիշերը Անդրբայկալի իշխանությունները հայտնել են, որ Պեկին-Մոսկվա գնացքը դատարկ է վերադարձել տարածաշրջան:
Անդրբայկալի իշխանությունների տվյալներով, գնացքում եղել է 136 ուղևոր: Չինական կողմը ընդառաջել է Անդրբայկալի իշխանություններին և իջեցրել է ուղևորներին: Նրանք բոլորը Չինաստանի քաղաքացիներ են եղել:
Կորոնավիրուսի համաճարակի պատճառով Ռուսաստանը փետրվարի 1-ից դադարեցրել է ավիահաղորդակցությունը Չինաստանի հետ: ՌԴ-ի և Չինաստանի միջև փակվել են գրեթե բոլոր օդային երթուղիները, բացի Պեկին, Շանհայ, Գուանչժոու և Հոնկոնգ «Աերոֆլոտ»-ի կանոնավոր չվերթներից, ինչպես նաև Մոսկվայի «Շերեմետևո» օդանավակայան Չինաստանի ավիաուղների կանոնավոր չվերթներից: