Պաղեստինը խզել է հարաբերությունները ԱՄՆ-ի և Իսրայելի հետ «դարի գործարքի» պատճառով

Պաղեստինը խզում է Միացյալ Նահանգների և Իսրայելի հետ բոլոր հարաբերությունները ԱՄՆ առաջնորդ Դոնալդ Թրամփի հայտարարած «դարի գործարքի» պատճառով: Այս մասին հայտարարել է Պաղեստինի ղեկավար Մահմուդ Աբբասը՝ գրում է RIA Novosti-ն:

Ըստ նրա՝ երկու կողմերն էլ տեղեկացված են նման որոշման մասին: Աբբասը նշել է, որ Պաղեստինը չի համագործակցելու Միացյալ Նահանգների և Իսրայելի հետ՝ ներառյալ անվտանգության ոլորտում:

Պաղեստինի առաջնորդը Կահիրեում «Արաբական պետությունների լիգայի» նիստում, որը նվիրված էր գործարքի վերաբերյալ տարածաշրջանի երկրների արձագանքին, նաև հավելել է, որ նախազգուշացրել է Վաշինգտոնին Պաղեստինը ապառազմականացված պետություն դարձնելու ծրագրերի մասին: «Ես նախընտրում եմ հիվանդանոց կառուցել, քան տանկ գնել», – ասել է նա։