Հեղինակավոր վերլուծաբան Մին-Չի Կոն հաշվետվություն է ներկայացրել Apple-ի 2020 թվականի առաջին կիսամյակի նորամուծությունների վերաբերյալ: Հրապարակմանը ծանոթացել է 9to5mac-ը:
Ըստ փորձագիտական կանխատեսումների՝ կորպորացիան պլանավորել է թողարկել iPhone 9-ը, նոր iPad Pro և MacBook Pro՝ «մկրատ» ստեղնաշարով: Apple-ի գաղտնազերծված ապագա արտադրանքների մեջ կան նաև «անլար լիցքավորման փոքր գորգ», Bluetooth ականջակալներ և UWB պիտակ:
AirTag անվամբ պիտակի թողարկման վերաբերյալ լուրերը հայտնվել են անցյալ տարվա ամռանը: Սարքի նկարագրության համաձայն՝ աքսեսուարը կարող է օգտագործվել որպես գեոլոկացիոն փարոս փոքր իրերի համար:
