Ռուսաստանի քննչական կոմիտեն (ՌՔԿ) որոշում է կայացրել լրացուցիչ նախաքննական ստուգում անցկացնել իրավապահ մարմինների նախկին աշխատակիցների նկատմամբ, որոնց միջոցով օրենքով գող Զախարի Քալաշովը (Շաքրո Մոլոդոյ) մոսկովյան երկու խաղատուն է զավթել, հայտնում է «Ռոսբալտ»-ը:
Պարբերականի տվյալների համաձայն, տուժածը՝ «Կրիստալ» և «Golden Palas» խաղային հաստատությունների նախկին համասեփականատեր Կառլեն Ազիզբեկյանը, խնդրել է ստուգել ՌԴ գլխավոր դատախազության հատուկ գործերով նախկին քննիչ Նիկոլայ Ատմոնևի հեղինակության հետ ունեցած հնարավոր կապերը, որը ներգրավված է եղել երկու խաղատների ռեյդային զավթմանը:
Ազիզբեկյանը նշում է, որ Ատմոնևը նյութեր է պահանջել խաղատան մեկ այլ բաժնետիրոջ փաստաբան Վլադիմիր Դուխնովի անհետացման մասին, ապա գործը փակել է «հանցագործության դեպքի վերաբերյալ տվյալների բացակայության» ձևակերպումով: 10 տարի անց ՌՔԿ-ն անօրինական է ճանաչել այդ որոշումը, ինչպես նաև Ազիզբեկյանի դեմ քրեական գործի հարուցումը:
Մինչև վերջերս Ատմոնևը գլխավոր դատախազ Յուրի Չայկայի խորհրդականն էր:
«Ռոսբալտ»-ը հիշեցնում է, որ 2015-ին ՌՔԿ-ի մոսկովյան վարչության քննիչ Եվմենովը խոստովանել է, որ ՊՆ նախկին փոխգնդապետ Ազիզբեկյանի դեմ հարուցված գործը, որը ղեկավարում էր խաղատան անվտանգության ծառայությանը, սարքված է եղել իրավապահների կողմից Շաքրոյի հրամանով՝ խաղատները զավթելու նպատակով: