Բրյուսելում կայացած Եվրախորհրդարանի գլխավոր ասամբլեայի նիստին հույն պատգամավոր Իոանիս Լագոսը ի նշան բողոքի պատռել է թղթից պատրաստված Թուրքիայի դրոշը:
Լագոսը նիստի ընթացքում անդրադարձել է փախստականների հարցին՝ նշելով, որ Հունաստանի քաղաքացիների 70%-ը դեմ է ապօրինի գաղթին և հավելել, որ իր երկրի ժողովուրդը ներգաղթյալների կողմից հարձակումների է ենթարկվում: Հույն պարգամավորը շեշտել է, որ Թուրքիան կարողանում է անել այն, ինչ ցանկանում է:
«Այստեղ որևէ մեկին չի հետաքրքրում հույն քաղաքացիների վիճակը: Քննարկվում է միայն փախստականների թեման:
Այդ դեպքում ի՞նչ է լինելու հույն քաղաքացիների իրավունքների հետ»,- ասել է նա:
«Մի կողմից էլ Թուրքիան է, որը կարողանում է անել այն, ինչ ցանկանում է: Անդադար ներգաղթյալներ են գալիս մեր երկիր: Ահա, Թուրքիայի դրոշն է, ի՞նչ են անում սա. պատռում և մի կողմ են նետում: Պետք է արդեն վերջ դնել սրան (ներգաղթյալների հոսքին),- ասել է Լագոսը: