Թեթև շարժիչով ինքնաթիռի օդաչուն, որը վթարի է ենթարկվել և օվկիանոսն ընկել Ավստրալիայի ափերի մոտ, բացահայտել է իր փրկության մանրամասները: Այս մասին գրում է Daily Mail-ը։
Օդաչու Գերի Գելտչը պատմել է, որ նա բացել է օդնավի դուռը այն ժամանակ, երբ այն դեռ օդում էր: «Եթե ինքնաթիռն արդեն ջրի մեջ լիներ, դրանից դուրս գալը ավելի դժվար կլիներ: Մենք պարզապես բացեցինք դուռը, երբ ինքնաթիռը ընկնում էր»,- բացատրել է նա: Անձնակազմի անդամը նաև ավելացրել է, որ հենց որ ինքը կորցրել է վերահսկողությունը, սկսել է հետևել հրատապ իրավիճակների հրահանգներին։
Նշվում է, որ բացի Գելտչից, աղետի ժամանակ ուղևորին ևս հաջողվել է փրկվել: Դեպքի վայր ժամանած բժիշկները ցուցաբերել են առաջին բուժօգնություն և նրանց ուղարկել են տեղի հիվանդանոցներից մեկը:
