«Ռոբերտ Քոչարյանն այդպես էլ չհասկացավ, որ քաղաքականություն վերադառնալու լավագույն միջոցն այն է, երբ ժողովուրդն է քեզ վերադարձնում, մինչդեռ այսօր ժողովուրդը նրան չի վերադարձրել քաղաքականություն և նա չի կարող հասարակական լայն գործունեությամբ զբաղվել, որովհետև մեր ժողովուրդն այսօր ազատվել է նաև Ռոբերտ Քոչարյանի և Սերժ Սարգսյանի կապանքներից և երբեք նորից չի վերադառնա այդ կապանքներին, ինչը նշանակում է, որ, եթե Ռոբերտ Քոչարյանը նորից փորձի քաղաքականություն վերադառնալ, ապա հասարակությունը, մեր ժողովուրդն իր վերաբերմունքը նրա նկատմամբ, հաստատ, ցույց կտա»,-«Առաջին լրատվական»-ի հետ զրույցում նշեց Ազգային Ժողովի «Իմ քայլը» խմբակցության պատգամավոր Հրաչյա Հակոբյանը՝ արձագանքելով Մարտի 1-ի գործով գլխավոր ամբաստանյալ Ռոբերտ Քոչարյանի այն հայտարարությանը, թե «իր էությամբ ու գործողություններով իշխանությունն ինձ վերադարձրեց քաղաքականություն, իսկ անազատության մեջ պահելով՝ ինձ հաջողությամբ դարձնում է իր ապաշնորհ կառավարմանը դիմակայելու խորհրդանիշ»։
Հրաչյա Հակոբյանի կարծիքով՝ Ռոբերտ Քոչարյանի և Սերժ Սարգսյանի անվտանգության երաշխավորն այսօրվա իշխանությունն է։
«Այդ անձինք չեն հասկանում, որ եթե չլիներ Նիկոլ Փաշինյանը, եթե չլիներ այսօրվա իշխանությունը, եթե չլիներ այդ թավիշը, ապա մեր ժողովուրդն այն ամբողջ ատելությունը, որ ունի նրանց նկատմամբ՝ ի ցույց կդներ տարբեր մեթոդներով ու պատկերացնո՞ւմ եք, թե այդ ժամանակ ինչ տեղի կունենար սույն անձանց հետ»,- նկատեց պատգամավորը։
Մանրամասները՝ տեսանյութում։