«Ժառանգություն» կուսակցության անդամ, Փաստաբանների պալատի անդամ Արշալույս Նիկողոսյանը ասօր կայացած ասուլիսում, անդրադառնալով ԿԸՀ նախագահի ընտրություններրին, դրանց մասին խոսեց իրավական տեսանկյունից։
Ըստ նրա՝ թեև օրենսգրքում առկա որոշակի դրական փոփոխություններին, կան նաև թերություններ։ Նա մասնավորապես նշեց ընտրությունների անցկացման համամասնական ու մեծամասնական կարգը, մարդու իրավունքների պաշտպանության համակարգը։
«Այն սկզբունքը, որով ձևավորվել է մարդու իրավունքների պաշտպանության համակարգը, գործնականում ցույց տվեց, որ պատրանք է»,- ասաց Ա.Նիկողոսյանը՝ օրինակ բերելով մարդու իրավունքների պաշտպանի կողմից հրավիրված մրցույթը, որի ժամանակ մրցույթի անցկացման համար նշված 3 օրերը եղել են ոչ աշխատանքային, սակավ տեղեկություններ են եղել մրցույթի մասնակիցների մասին։ «Ընտրվել էին 2 հոգի, ովքեր աշխատել էին օմբուդսմենի հետ, հետո ինքնաբացարկ հայտարարեցին»,- ասաց Ա. Նիկողոսյանը։