Պաղեստինի նախագահ Մահմուդ Աբբասը հայտարարել է, որ երկիրը մերժում է ԱՄՆ-ի առաջարկած «դարի գործարքը»։ Այս մասին հաղորդում է Reuters-ը։
Նա մերժումը բացատրել է նրանով, որ ծրագրի համաձայն Երուսաղեմը հանձնվելու է Իսրայելին։
«Երուսաղեմը չի վաճառվում»,- ասել է Աբբասը։
Պաղեստինի առաջնորդը նաև պնդել է, որպեսզի ճանաչվեն պետության՝ 1967 թվականին ընդունված սահմանները։
Քաղաքական գործիչը ընդգծել է, որ Պաղեստինը պատրաստ է «մերձավորարևելյան քառյակի» ձևաչափով բանակցություններին, մասնավորապես Ռուսաստանի, ԱՄՆ-ի, ԵՄ-ի և ՄԱԿ-ի մասնակցությամբ, այլ ոչ թե ԱՄՆ նախագահ Դոնալդ Թրամփի առաջարկած «դարի գործարքի» հիման վրա։
