Եվրոպացիները սկսել են ամաչել օդանավերի հասցրած էկոլոգիական վնասներից եւ թռիչքներից հրաժարվում են ի օգուտ գնացքների: Այս մասին գրում է Deutsche Welle-ն:
Դա հատկապես նկատելի է Շվեդիայում եւ Գերմանիայում: Այս երկրներում վերջին տաս տարիների ընթացքում մարդիկ սկսել են ավելի քիչ թռչել օդանավերով: Շվեդական օդանավակայանները 2019-ին 4 տոկոսով ավելի քիչ ուղեւորներ են ընդունել, քան 2018 թվականին, իսկ ավիաընկերությունները 2 տոկոսով քիչ ուղեւորներ են տեղափոխել (երկրի ներքին չվերթներում ւղեւորների թիվը պակասել է 9 տոկոսով):
Գերմանական ավիաընկերությունները 0,4 տոկոսով պակաս ուղեւորներ են տեղափոխել, երկրի ներսում ուղեւորափոխադրումների անկումը կազմել է 2 տոկոս: Ուղեւորների պակասը կապում են Flight shame («թռչելն ամոթ է») շարժման հետ: Նրա կողմնակիցները հանդես են գալիս օդանավերով թռչելուց հրաժարվելու օգտին, քանի որ օդանավերը վնաս են հասցնում շրջակա միջավայրին: Որպես օդանավերին այլընտրանք առաջարկում են ուղեւորվել գնացքներով:
Զուգահեռաբար Եվրոպայում ավելանում է գնացքների ուղեւորափոխադրումը: Օրինակ Գերմանիայում 2019-ին այն եղել է ռեկորդային եւ կազմել մոտ 150 մլն մարդ:
.
