Բելգիայի նախկին թագավոր Ալբերտ Երկրորդը իրեն ճանաչել է որպես նկարիչ Դելֆին Բոելի կենսաբանական հայր: Այս մասին հայտնում է RTBF-ն՝ վկայակոչելով նախկին միապետի փաստաբանների մամուլի հաղորդագրությունը:
Փաստաթղթի համաձայն, Ալբերտ Երկրորդը հաշվի է առել ԴՆԹ թեստի արդյունքները, որը նա ստիպված է եղել անցնել Բրյուսելի վերաքննիչ դատարանի պահանջով: Ըստ թեստի՝ Բելգիայի նախկին թագավորը Բոելի կենսաբանական հայրն է: Այսպիսով, նա դարձել է թագավորի 4-րդ երեխան և կարող է հավակնել ժառանգության մի մասին:
Այնուամենայնիվ, միապետը հայտարարել է, որ չի ճանաչում այսպես կոչված «հայրությունը», քանի որ նա չի մասնակցել արտամուսնական կապից ծնված դստեր դաստիարակությանը և նրա կրթության առումով որոշում չի կայացրել:
Ի դեպ, Բոուլը հորդորում էր Ալբերտ 2-րդին ԴՆԹ թեստ հանձնել 2013 թվականից, սակայն այն ժամանակ նա պետության ղեկավար էր և չէր կարող որպես մեղադրյալ ներգրավվել դատական գործում: Գահից հրաժարվելուց հետո նա պահպանել է թագավորի կոչումը, սակայն կորցրել է իրավական անձեռնմխելիությունը: