Լուրեր
Հեղափոխության նպատակը միայն Սերժին մերժելը չէր․ վարչապետի՝ ասուլիսում հնչած պատասխանները բավարար չէին
  • 12:45
  • 2020-01-28
  • Դիտումներ՝ *

«Վարչապետի թափանցիկ գործելաոճը ողջունելի է, բայց նրա պատասխանները բավարար չէին, ձեռքբերումները որպես հեղափոխական փոփոխություններ ներկայացնելն արդար չէ, օրինակ՝ տնտեսական աճը բնականոն աճ է եղել…»,- այս մասին «Առաջին լրատվական»-ի հետ զրույցում ասաց «Քաղաքացու որոշում» սոցիալ-դեմոկրատական կուսակցության գործադիր մարմնի անդամ Գարեգին Միսկարյանը՝ անդրադառնալով վարչապտ Ն. Փաշինյանի՝ օրերս Կապանում կայացած մամուլի ասուլիսին: « Համակարգային փոփոխություններին միտված գործնական քայլերի մասին կուզենայի լսել, օրինակ՝ դատական համակարգի և այլն, բայց առայժմ փոփոխությունները դեռևս խոսակցությունների մակարդակում են»,- նշեց Գ. Միսկարյանը: Նա նաև ընդգծեց. «Հեղափոխության նպատակը չի եղել միայն Սերժին մերժելը. արմատական փոփոխություններ են պետք»:

ԱԺ «Իմ քայլը» խմբակցության պատգամավոր Արթուր Հովհաննիսյանը, անդրադառնալով դիտարկմանը, թե հնչում են կարծիքներ, որ վարչապետի ասուլիսի ընթացքում ավելի շատ անցյալի և անցյալի հետևանքները վերացնելու մասին է խոսվել, քան թե ապագայի, նշեց. «Անցյալի մասին չխոսել, ցավոք, չենք կարող: Մենք, իհարկե, պետք է նայենք առաջ և դրան միտված բազմաթիվ ծրագրեր ունենք և փոփոխություններ ենք անում. ընդունվել են որոշումներ, որոնք վերացնում են անցյալի սխալները, բայց միտված են ապագային»: Պատգամավորը նաև վստահեցրեց, որ մոտ ապագայում համակարգային փոփոխություններն ակնհայտ կլինեն. «Մենք գնում ենք ոլորտային, համակարգային փոփոխությունների»:
«Ձեռքբերումներն իներցիոն չեն. մենք այլ կերպ ենք կառավարում»,- ընդգծեց Արթուր Հովհաննսիյանը:

Պատգամավորը, անդրադառնալով առկա խնդիրներին, մասնավորապես նշեց, որ ինստիտուցիոնալ փոփոխություններ իրականացնելու համար անհրաժեշտ են որակյալ կադրեր. «Միջին և ցածր օղակներում ունենք կադրային խնդիր»:

Մանրամասն՝ տեսանյութում:

  • Դիտումներ՝ *