Brexit-ի հետ կապված անորոշության տարիների ընթացքում Լոնդոնից երես են թեքել աշխարհի տարբեր երկրների ֆինանսիստներ: Մեծ Բրիտանիայի մայրաքաղաքը որպես հիմնական ֆինանսական կենտրոն համարողների թիվը 2018-ից 53-ից նվազել է միչև 33 տոկոսով, հայտնում է The Guardian-ը՝ վկայակոչելով Duff & Phelps Global Regulator Outlook-ի ուսումնասիրությունը:
Նրա տեղը զբաղեցրել է Նյու Յորքը, որը նույն ժամանակահատվածում ավելացրել է 23 տոկոսային կետ. հարցվածների 56 տոկոսը այն համարում 2020 թվականի աշխարհի ֆինանսական մայրաքաղաք: Ուսումնասիրության շրջանակներում այս հարցին պատասխանել է ֆինանսական ընկերությունների և բանկային ոլորտի 245 թոփ-մենեջեր:
Վերլուծաբանները կարծում են, որ Լոնդոնը այլևս չի կարողանա վերականգնել իր կարգավիճակը, բայց Նյու Յորքի դիրքերը նույնպես կթուլանան: Ըստ վերլուծաբանների՝ հինգ տարի անց ֆինանսական կենտրոն կարող են դառնալ Հոնկոնգը, Սինգապուրը և Շանհայը: