Լուրեր
Ականատես եղանք անարյուն հանգուցալուծման. Ոստիկանապետի ԺՊ-ն՝ «Էրեբունի պլազա»-ի միջադեպի մասին
  • 17:17
  • 2020-01-27
  • Դիտումներ՝ *

ՀՀ ոստիկանության պետի պաշտոնակատար Արման Սարգսյանն անդրադարձել է օրերս «Էրեբունի Պլազա» բիզնես կենտրոնում զինված տղամարդու ներխուժման դեպքին: Լրագրողների հետ ճեպազրույցում Արման Սարգսյանը նշեց, որ իրենց առջև խնդիր է դրված եղել առանց արյուն թափելու իրավիճակը հասցնել հանգուցալուծման:

«Գործի հետ կապված մանրամասները նախաքննական մարմինը կներկայացնի: Մեր մասով կարող եմ ասել, որ կատարել ենք մեր առջև դրված խնդիրը, անարյուն իրավիճակը հանգուցալուծվեց: Կարողացանք այնպես անել, որ առանց որևէ միջադեպի, առանց որևէ տուժածի զինված տղամարդուն դուրս բերենք այդտեղից»,-ասաց Արման Սարգսյանը:

Լրագրողների այն դիտարկմանը, թե զինված տղամարդը դուրս է բերվել առանց ձեռնաշղթաների, Արման Սարգսյանը նշեց, որ բանակցությունների ընթացքում ձեռք բերված պայմանավորվածություն է եղել: Այն հարցին, թե ինչու է հենց նա բանակցել զինված տղամարդու հետ, Արման Սարգսյանն ավելացրեց, որ երբեմն իրավիճակից բխող գործողությունների կարիք է լինում:

  • Դիտումներ՝ *