Այսօր, ինչպես հայտնի է, ԿԺԴՀ-ը հրետակոծման Է ենթարկել Հարավային Կորեայի տարածքային ջրերը եւ Դեղին ծովում գտնվող Յոնհյոնդո կղզին: Այդ մասին հայտնել Է Հարավային Կորեայի զինուժերի շտաբների պետերի կոմիտեի ներկայացուցիչը: Ինչպես տեղեկացնում Է Սեուլը, արձակվել Է 200 արկ: Կղզու բնակիչները տարհանվում են բունկերներ, վիրավորվել Է չորս զինծառայող:
Հարավկորեական հեռուստատեսությունը հաղորդել Է, որ Յոնհյոնդո կղզում 60-ից մինչեւ 70 տուն Է այրվում: Միջադեպի կապակցությամբ Հարավային Կորեայի զինված ուժերը բերվել են մարտական բարձր պատրաստության վիճակի: Հանրապետության ռազմական ինքնաթիռներ են փոխադրվում երկրի ծովափնյա օդանավակայաններ: ԿԺԴՀ-ի կողմից հրետակոծումը տեղի է ունեցել այն պահին, երբ կղզու մերձակայքում ընթանում Էին Հարավային Կորեայի զինված ուժերի ստորաբաժանումների սովորական վարժանքներ: Հարավկորեական կողմը պատասխան կրակ Է բացել:
Հարավային Կորեայի նախագահ Լի Մյոն Բակը պատրաստակամություն Է հայտնել ձեռնարկել բոլոր միջոցները` ԿԺԴՀ-ի հետ ռազմական հակամարտության ծավալում թույլ չտալու համար: Ինչպես հաղորդել է Yonhap գործակալությունը, պետության ղեկավարն այդ մասին հայտարարել է հարավկորեացի զորահրամանատարների հետ անցկացված արտակարգ հանդիպմանը, որի ընթացքում քննարկվել Է ստեղծված իրադրությունը: Լի Մյոն Բակը նաեւ հայտարարել Է, որ Հարավային Կորեան «պատրաստ Է վճռական ու խիստ պատասխան տալ Հյուսիսային Կորեայի կողմից սադրանքների շարունակվելու դեպքում»:
Հարավային Կորեայի զինված ուժերի հրամանատարությունը կոչով դիմել Է ԿԺԴՀ-ին՝ անհապաղ դադարեցնելու Յոնհյոնդոյի հրետակոծումը: Չինաստանը մտահոգություն է հայտնել Դեղին ծովում ԿԺԴՀ-ի եւ Հարավային Կորեայի միջեւ տեղի ունեցած միջադեպի կապակցությամբ: «Մենք հուսով ենք, որ կողմերն ավելի մեծ ջանքեր կգործադրեն` ի շահ տարածաշրջանի խաղաղության եւ կայունության»,-ճեպազրույցի ժամանակ հայտարարել Է ՉԺՀ-ի արտգործնախարարության պաշտոնական ներկայացուցիչ Հուն Լեյը: Դիվանագետն ընդգծել Է, որ «Չինաստանը հանդես Է գալիս Կորեական թերակղզու խաղաղության ու կայունության օգտին, ինչը համապատասխանում Է բոլոր կողմերի շահերին»:
Ճապոնիայի կառավարությունը Կորեական թերակղզու կոնֆլիկտային իրադրությանը հետեւելու համար վարչապետի դիվանատան աշխատակազմին առընթեր ստեղծել Է հատուկ տեղեկատվական-համակարգող խորհուրդ: ԿԺԴՀ-ի եւ Հարավային Կորեայի միջեւ զինված հակամարտությանը Տոկիոյի պաշտոնական արձագանքն առայժմ չի հետեւել:
Արեւմտյան փորձագետներն այն կարծիքին են, որ ԿԺԴՀ-ի ուժերի կողմից հարավկորեական տարածքի հրետակոծումը կապված է այդ շրջանում Սեուլի զորավարժությունների հետ: Հարավային Կորեայի Արտաքին գործերի եւ Արտաքին առեւտրի նախարարության մի աղբյուր հարավկորեական Yonhap գործակալությանը հայտնել Է, որ Հարավային Կորեան մտադիր Է Դեղին ծովում ստեղծված իրադրության հետ կապված հարցն առաջադրել ՄԱԿ-ում: