Նոր կորոնավիրուսով վարակվածների թիվը մեկ օրվա ընթացքում աճել է մեկ երրորդով

Չինաստանի իշխանությունները 24 ժամվա ընթացքում 2019-nCoV կորոնավիրուսով վարակվելու 769 նոր դեպք են գրանցել, հաղորդում է ՌԻԱ Նովոստին՝ հղում անելով երկրի առողջապահության պետական կոմիտեին։

Նշվում է, որ 24 հոգին արդեն մահացել են, 137-ը ծանր վիճակում են գտնվում, միայն երկուսը դուրս են գրվել հիվանդանոցներից։

Ներկայումս մայրցամաքային Չինաստանի տարածքում վարակվածների թիվը 2744-ի է հասել, որոնցից 80-ը մահացել են;