Լեհաստանը կցանկանար ստանալ Երկրորդ համաշխարհային պատերազմի ընթացքում պատճառված վնասի համար դրամական փոխհատուցում ոչ միայն Գերմանիայից, այլև Ռուսաստանից: Այս մասին «Bild» թերթին տված հարցազրույցում ասել է երկրի իշխող «Իրավունք և արդարություն» կուսակցության առաջնորդ Յարոսլավ Կաչինսկին՝ հայտնում է RIA Novosti-ն։
«Գերմանիան և Ռուսաստանը չեն կարող համեմատվել: Բեռլինում ժողովրդավարական ընտրված կառավարություն է նստած. այնտեղ գործում է օրենքը և բարոյականությունը: Ռուսաստանի դեպքում սա ենթադրել նույնիսկ չի կարելի: Դուք ճիշտ եք. Ռուսաստանը նույնպես պետք է վճարի», – ասել է նա՝ հավելելով, որ չի հավատում, որ ինքը կապրի մինչ այդ պահը:
Կաչինսկին նշել է, որ Լեհաստանի պահանջներն այս հարցում «վաղեմության ժամկետի սահմանափակումներ չունեն»: