Կանանց բռնությունների շուրջ «Առաջին լրատվական»-ի հետ զրույցում, անդրադառնալով ողբերգական մի քանի դեպքերի, իրենց դիտարկումները ներկայացրին իրավապաշտպան Զարուհի Հովհաննիսյանը և լրագրող Լյուսի Քոչարյանը:
«Կանանց հետ կատարվում են ողբերգական դեպքեր, բայց հասարակության կողմից չեն արժանանում բավարար գնահատականի կամ հասարակությունը բոլորովին խեղաթյուրված պատկերով է ընկալում: Ինչո՞ւ պետք է այդքան շատ լինեն բռնություններ կանանց նկատմամբ, ինչը ոչ միայն պարսավելի արաք է, այլ նաև քրեական հանցագործություն է. հասրակությունը, թողած այդ կարևոր փաստը, սկսում է քննարկել՝ արդյոք ինչ էր արել կինը, ինչպիսի իրավիճակ էր ստեղծվել… Հանարային գիտակցության ընկալմամբ կինը միշտ ստորադաս հանդուրժողի դերում պետք է լինի և հնարավորություն չպոտք է տա իրեն սպառնալ. այսինքն՝ կնոջ կյանքի իրավունքը պատկանում է տղամարդուն, որը կառավարում է կնոջ անձնական կյանքը»,- նշեց Զարուհի Հովհաննիսյանը:
Լյուսի Քոչարյանի կարծիքով՝ մեր հասարակության մեջ առկա է սեռական դաստիարակության և կրթության խնդիր, և կանանց բռնության հետ կապված խնդիրների արմատները հանգում են այդ խնդրի առկայությանը. «Պետք է գիտակցել, որ իրավունքը սեռով չի պայմանավորված: Մեր հասարակությունը ոչ միայն սեռական դաստիարակության և կրթության խնդիր ունի, այլ ունի նաև այդ խնդրի հետ առերեսվելու բարդույթ»:
«Մենք ունենք կնատյաց հասարակություն, և մեր կանայք ու աղջիկները պատրաստ չեն ինքնուրույնանալու պատրաստ չեն»,- նկատեց Լյուսի Քոչարյանը: Զարուհի Հովհաննիսյանը հավելեց, որ իրավական երկրում պետք է խթանվի կանանց մասնակցությունը կառավարման ոլորտին և որոշումների կայացմանը:
Մանրամասն՝ տեսանյութում: