«Իմ քայլը» խմբակցության սույն պատգամավորի ակտիվությունը տարօրինակ է. Իվետա Տոնոյան

«Դա պարոն Պետրոսյանի անձնական կարծիքն է: Նման քննարկում Բարգավաճ Հայաստան խմբակցությունում չկա: Մենք մատնանշել ենք, որ ԲՀԿ ղեկավարը ընդամենը 2 օր առաջ խորհրդարանում լրատվամիջոցների հարցին ի պատասխան, որ կան նմանատիպ բարձրաձայնումներ, հատկապես՝ արտախորհրդարանական ընդդիմության կողմից, որ ժամանակն է լուծարել խորհրդարանը, որ այն չի իրականացնում իր դերակատարումը, պրն. Ծառուկյանը հստակ մատնանշեց, որ ոչ թե խորհրդարանը լուծարելու ժամանակն է, այլ աշխատելու ժամանակն է: Մեր քաղաքակական օրակարգում խորհրդարանի լուծարման հետ կապված որևէ հարց չի քննարկվել: Եվ երկրորդելով պրն. Ծառուկյանի կարծիքը՝ պետք է ասեմ, որ, այո՛, իսկապես ժամանակն է աշխատելու: Այն ժամանակահատվածը, որ անցել է հեղափոխությունից և 1 տարի էլ անցել է խորհրդրանական ընտրությունից և 7-րդ գումարման ԱԺ-ի ձևավորումից հետո, բավարար ժամանակահատված էր փորձաշրջանի համար: Փորձաշրջանի հատվածն արդեն անցել է և պետք է արդյունքներ գրանցել»,-անդրադառնալով բհկ-ական պատգամավոր Գևորգ Պետրոսյանի դիտարկմանը, որ պետք են արտահերթ ընտրություններ և եթե ԱԺ երկու ընդդիմադիր խմբակցությունները հրաժարական տան, ԱԺ-ն կլուծարվի, ասաց ԱԺ ԲՀԿ խմբակցության պատգամավոր Իվետա Տոնոյանը: