Մինսկը բանակցություններ է վարում Միացյալ Նահանգների, ԱՄԷ-ի և Սաուդյան Արաբիայի հետ համաշխարհային գներով նավթի մատակարարման վերաբերյալ: Այս մասին հայտարարել է Բելառուսի նախագահ Ալեքսանդր Լուկաշենկոն՝ գրում է lenta.ru-ն։
Նա սպառնացել է, որ այդ երկրները կարող են անհրաժեշտ քանակությամբ նավթ մատակարարել բելառուսական կողմին: «Ես նրանց հետ փայլուն հարաբերություններ ունեմ: Ասում են՝ ինչքան ձեզ պետք է, այնքան կարող ենք մատակարարել: Իհարկե, սա համաշխարհային գին է: Բայց այնտեղ նավթի որակը ավելի բարձր է», – ասել է Լուկաշենկոն:
Մինչ այդ Լուկաշենկոն հայտարարել էր, որ Մոսկվայի առջև պայման է դրել Մինսկին նավթը վաճառել համաշխարհային գնով, հակառակ դեպքում Բելառուսը կկարողանա վառելիք գնել այլ մատակարարից: