Այսօր՝ հունվարի 24-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Նախադպրոցական կրթության մասին օրենքում փոփոխություն կատարելու մասին օրենքի նախագիծը:
Պատգամավոր Արման Բաբաջանյանը հայտարարեց, որ ինքը առանձնացրել է 6 կետ, որոնք կներկայացնի ԿԳՄՍ նախարարին: Նա ընդգծեց. «Հազարավոր երեխաներ զրկված են մանկապարտեզ հաճախելու հնարավորությունից, որովհետև Ռոբերտ Քոչարյանի և Սերժ Սարգսյանի պաշտոնավարման ժամանակահատվածում ՀՀԿ-ի կողմից ոչ միայն մեր պետությունն էր բռնազավթվել, այլև մեր երեխաների ապագան: Հարյուրավոր մանկապարտեզներ են սեփականաշնորհվել. Կենտրոնում 14 մանկապարտեզ է սեփականաշնորհվել և վաճառվել»:
Նա հարց ուղղեց ԿԳՄՍ նախարարին՝ ինչ է արվել այս շենքերը ոչ միայն Երևանում, այլև մարզային բնակավայրերում մեր երեխաներին վերադարձնելու համար. «Կարծում եմ՝ սա հանցավոր դանդաղկոտություն է: Այս շենքերը պետք է վերադարձվեն իրենց իրական տերերին»::
Մանրամասները՝ տեսանյութում: