Այսօր՝ հունվարի 24-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Տիեզերական գործունեության մասին օրենքի նախագիծը:
«Իմ քայլը» խմբակցության պատգամավոր Մարիա Կարապետյանը, դարձյալ թեմայից շեղվելով, շարունակեց իր ելույթը՝ ասելով, որ եթե ԱԺ նախագահը Ազգային ժողովում չհարթի սուր անկյունները, ապա դրանք իրենց կտանեն քաղաքական դեգրադացիայի: Նա օրինակներ ներկայացնելով՝ հավելեց. «Արարատ Միրզոյանը դիստանցավորվել է «Իմ քայլը» խմբակցությունից իր անաչառ արբիտրի դերը լավագույնս կատարելու համար»:
Դիմելով «Լուսավոր Հայաստան» խմբակցության ղեկավար Էդմոն Մարուքյանին՝ նա ասաց. «Այո, դուք 7 տարի պատգամավոր եք եղել, սակայն ոչ լեգիտիմ Ազգային ժողովներում: Ձեր նկատմամբ սանկցիա չի կիրառվել, քանի որ ԱԺ ՀՀԿ-ական նախագահները գիտեին, որ այդ լեգիտիմությունը չունեին: Նրանք նաև գիտեին, որ սեղաններին ձեր խփելը ոչինչ չի փոխելու, և նրանք անելու են այն, ինչ ուզում են: Իսկ այսօր ձեր խոսքն ու վարքը կշիռ ունեն, և Ձեր նկատմամբ սանկցիայի կիրառումը այդ խոսքի և վարքի արժևորումն է, որքան էլ որ դա ձեզ պարադոքսալ թվա»:
Մանրամասները՝ տեսանյութում: