Ուհան քաղաքից հետո, որտեղ սկսվեց նոր տիպի կորոնավիրուսի բռնկումը, փակվել է չինական ևս 9 քաղաք: Տրանսպորտային հաղորդակցության ժամանակավոր դադարեցման մասին հայտարարել են Ուհանը (11 միլիոն մարդ), Չիբին (534 հազար մարդ), Էչժոուն (1,08 միլիոն), Հունանգանը (7,5 միլիոն), Սյանտաոն (1,6 միլիոն), Չժիցզյանը (550 հազար), Ցզյանցզյանը (963 հազար), Հուանշին (2,7 միլիոն), Էնշին (809 հազար) և Սյաննինը (2,5 միլիոն): Ընդհանուր առմամբ, այս սահմանափակումները վերաբերել են ավելի քան 29,2 միլիոն բնակիչների:
Ուհանում ամենախիստ կարանտինն է: Հունվարի 23-ից դադարել են երթևեկել ավտոբուսները, լաստանավերը, մետրոն, քաղաք չեն թողնում մարդատար ավտոբուսներ և ջրային տրանսպորտ, չեղարկվել են բոլոր թռիչքները, չի աշխատում երկաթուղին: Իշխանությունները խորհուրդ են տալիս չմտնել և դուրս չգալ քաղաքից առանց հատուկ պատճառների: