Ազգային ժողովի տնտեսական հարցերի մշտական հանձնաժողովի նախագահ, «Իմ քայլը» խմբակցության անդամ Բաբկեն Թունյանը ֆեյսբուքյան իր էջում անդրադարձել է եվրոբոնդերի թեմային։ Ինչպես ավելի վաղ ՀՀ վարչապետ Նիկոլ Փաշինյանն էր տեղեկացրել, «Արդշինբանկը» Հայաստանի պատմության համար աննախադեպ ծավալի՝ 300 միլիոն դոլարի եվրոբոնդ է թողարկել, աննախադեպ ցածր՝ 6.5 տոկոսով։
«Հիմա էլ բոլորը դարձան ֆինանսիստ ու դատողություններ են անում եվրոբոնդերի թեմայով։ Թե բա՝ պարտքը ներկայացվում է որպես ներդրում։
Ուրեմն.
✅ Պարտատոմսը ներդրումային գործիք է։
✅ Պարտատոմս գնողը (պարտք տվողը) համարվում է ներդրող։
✅ Եվրապարտատոմս (եվրոբոնդ) գնողը՝ օտարերկրյա ներդրող։
✅ Հայաստանում առաջին անգամ մասնավոր ընկերությունը նման ծավալով ու նման տոկոսադրույքով եվրոբոնդ թողարկեց ու շատ հաջող տեղաբաշխեց։ Իսկ դա ոչ միայն խոսում է օտարերկրյա ներդրողների կողմից վստահության մասին, այլ բերելու է ՀՀ-ում վարկերի տոկոսադրույքների նվազման»։
https://www.facebook.com/babken.tunyan/posts/1645897145551229