Չելյաբինսկի շրջանի Սնեժինսկ քաղաքում 14-ամյա երկու երեխաներ կասկածվում են դպրոցում ահաբեկչություն նախապատրաստելու մեջ՝ հայտնում է Znak.com- ը:
Ինչպես պարզել են իրավապահները, նրանք դա սկսել են ծրագրել դպրոցական տարվա սկզբից․ կարդացել են անարխիստական գրականություն, ուսումնասիրել են պայթուցիկ նյութեր պատրաստելու եղանակները, դրա համար անհրաժեշտ նյութեր են պատվիրել համացանցում և հանցակիցներ են փնտրել դասընկերների շրջանում:
Ըստ որոշ տեղեկությունների՝ դպրոցականները պլանավորել են պայթյունը կազմակերպել սրճարանում, այնուհետև փախչողների վրա կրակել պնևմատիկ զենքից՝ նետելով Մոլոտովի կոկտեյլներ:
Ամանորից հետո դպրոցի ուսուցիչներից մեկը տեսել է հնարավոր ահաբեկչական հարձակման մասին նամակագրությունը. դեռահասները զրուցել են ութերորդ դասարանցի մի աղջկա հետ, պատմել նրան իրենց ծրագրերի մասին։ Ուսուցիչը զեկուցել է անվտանգության ուժերին, և նրանք սկսել են ստուգել:
Դպրոցականները ապահով ընտանիքներից են, նրանցից մեկը ունի խիստ և բավականին պահանջկոտ հայր, որը որդուն մեծացրել է Սպարտայի պայմաններում: Երկրորդի հայրը հիվանդ է, մայրն է զբաղվում է նրա դաստիարակությամբ: Դեռահասները հսկողության տակ են վերցված, հարուցվել է քրեական գործ երկու կամ ավելի անձանց սպանության նախապատրաստման վերաբերյալ:
