Լուրեր
Խուճապի և ապոկալիպտիկ տրամադրությունների կարիք չկա. Կոնջորյանը՝ «Էրեբունի պլազայում» կրակոցների մասին
  • 17:29
  • 2020-01-23
  • Դիտումներ՝ *

Այսօր՝ հունվարի 23-ին, Ազգային ժողովում շարունակվում է հերթական նիստի աշխատանքը:

«Հանցագործը վնասազերծվել է և տեղափոխվել ոստիկանություն»,- հայտարարեց «Իմ քայլը» խմբակցության պատգամավոր Հայկ Կոնջորյանը՝ անդրադառնալով «Էրեբունի պլազա» բիզնես կենտրոնում տեղի ունեցած կրակոցներին:

Նա շնորհակալություն հայտնեց ոստիկաններին, որ կարողացել են այդպես օպերատիվ և առանց զոհերի իրավիճակը հանգուցալուծել. «ՀՀ իրավապահ մարմինները ամբողջությամբ տիրապետում են իրավիճակին և  իրականացնում են բոլոր գործողությունները դեպքի բոլոր հանգամանքները բացահայտելու համար»:

Նրա խոսքով՝ սոցցանցերում և մեդիայի որոշ ներկայացուցիչներ սկսել են սպեկուլյատիվ հայտարարություններ անել. «Բոլոր այս ջանքերն ապարդյուն են: Բռնությունը մեզ համար անընդունելի է»:

Դիմելով քաղաքացիներին՝ նա ասաց. «Հանգիստ եղեք, ապոկալիպտիկ տրամադրությունների և խուճապի կարիք չկա, ամեն ինչ գտնվում է վերահսկողության տիրույթում»:

 

Մանրամասները՝ տեսանյութում:

  • Դիտումներ՝ *