2019թ. Հայաստանի կոռուպցիայի ընկալման համաթվի արժեքը 42 է: Նախորդ տարվա համեմատ աճը 7 միավորով է: Հարևան երկրներից մեր երկիրը զիջում է միայն Վրաստանին՝ առաջին անգամ առաջ անցնելով Թուրքիայից:
«Թրանսփարենսի Ինթերնեշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանը լրագրողների հետ հանդիպման ժամանակ հայտնեց, որ երկրների մեծ մասում ըստ ընկալումների, կոռուպցիայով պայմանավորված իրավիճակը վատանում է: Նրա խոսքերով՝ 2/3-ից ավելի երկրներում կոռուպցիայի մակարդակը 50-ից պակաս է: Իսկ տարբեր ուսումնասիրությունների համաձայն՝ այդպիսի թվերի դեպքում կոռուպցիան լուրջ հիմնախնդիր է տվյալ երկրում: