«Ես համաձայն չեմ, որ վարկանիշը ընկնում է: Այս կապակցությամբ ես միշտ ասել եմ հետևյալը՝ հնարավոր է, որ առանձին քաղաքական գործիչների, կառավարության անդամների, իմ, պատգամավորների, մարզպետների վարկանիշը անկում ապրի կամ տատանվի, բայց վարչապետի վարկանիշը շարունակում է մնալ բարձր, որը իշխանության կայունության համար ամենակարևոր հանգամանքն է»,-անդրադառնալով քաղտեխնոլոգների գնահատականներին, թե վարչապետի վարկանիշն ընկնում է, ասաց ԱԺ «Իմ քայլը» խմբակցության պատգամավոր Հովիկ Աղազարյանը:
Հարցին՝ որքանո՞վ է իշխանությունը կարողանում այսօր հասարակական սպասումներն արդարացնել, նշեց, որ եթե որոշակի դանդաղկոտություն նկատվի, արդյոք վարկանիշի անկում չի հաջորդի, նշեց.«Այն ուղղությունները, որոնք որդեգրվել են ծրագրային դրույթներով և կյանքի են կոչվում, ես կարծում եմ՝ դրանք գտնվում են այն շրջանակներում, որոնք կարելի է գնահատել կատարման իմաստով ամենաքիչը որպես լավ»: