Վրաստանը 2019 թվականին Ռուսաստան է արտահանել շուրջ 59 մլն շիշ գինի, ինչը 9 տոկոսով ավելի է, քան նախորդ տարի: Այդ մասին վկայում են Վրաստանի Գինու ազգային գործակալության հրապարակված տվյալները:
Ռուսաստանը շարունակում է մնալ վրացական գինու հիմնական ներմուծողը: Երկրորդ տեղում, ըստ գործակալության՝ Ուկրաինան է: 2019 թվականին Վրաստանն այդ երկիր է արտահանել ավելի քան 10 մլն շիշ գինի, ինչը 4 տոկոսով պակաս Է, քան 2018 թվականին: Մատակարարումների ծավալով առաջատարների եռյակը եզրափակում Է Չինաստանը. անցյալ տարի Վրաստանը այնտեղ վաճառել Է ավելի քան 7 մլն շիշ գինի, ինչը 2 տոկոսով ավելի Է, քան նախորդ տարի:
Գործակալության տվյալներով, վրացական գինու արտահանումն աճում Է նաև ԱՄՆ-ում (աճը՝ 48 տոկոս), Մեծ Բրիտանիայում (աճը՝ 60 տոկոս) և Բելառուսում (աճը՝ 74 տոկոս): 2019 թվականին Վրաստանն, ընդհանուր առմամբ, արտահանել է մոտավորապես 94 մլն շիշ գինի, ինչը 9 տոկոսով ավելի Է, քան մեկ տարի առաջ: Արտահանված գինու ընդհանուր արժեքը կազմել Է 240 մլն դոլար: