Թուրքիայում արտահանման նպատակով արտադված ապրանքների վրա այլևս «Made in Turkey» չի գրվի, փոխարենը կլինի «Made in Türkiye» գրությունը: Այսինքն Թուրքիա պետության անվանումը կնշվի ոչ թե անգլերեն տարբերակով (Turkey), այլ՝ թուրքերեն ինքնանվանումով (Türkiye):
Այդ նախաձեռնությունը սկսվեց թուրքական արտադրության ավտոմեքենայի ներկայացման ժամանակ, երբ նախագահ Ռեջեփ Թայիփ Էրդողանը, էկրանին «Made in Turkey» գրությունը տեսնելով, դիտողություն արեց կազմակերպիչներին՝ ասելով, որ լավ կլիներ այդ գրության փոխարեն «Made in Türkiye» լիներ։
Էրդողանի այդ նկատողությունից հետո կազմակերպիչներն անմիջապես փոխեցին մակնշող գրությունը:
Շուտով Թուրքիայի արտահանողների խորհուրդն սկսեց օրենքի նախագիծ մշակել, որով նախատեսվում է բոլոր ապրանքներն արտաքին շուկա ուղարկել «Made in Türkiye» գրությամբ:
Նշվում է, որ օրինագիծը շուտով ներկայացվելու է խորհրդարանի քննարկմանը:
