Երուսաղեմի Հին քաղաքում, Սուրբ Աննա բազիլիկի մուտքի մոտ, լեզվակռիվ է տեղի ունեցել Ֆրանսիայի նախագահ Էմանուել Մակրոնի և Երուսաղեմի շրջանի ոստիկանության միջև, հաղորդել է իսրայելական «Եդիոտ ախրոնոտ» պարբերականի պորտալը:
Ըստ հրապարակման, Մակրոնը վրդովվել է այն բանից, որ ոստիկանությունը ցանկացել է նրա հետ եկեղեցի մտնել: «Բոլորը գիտեն կանոնները: Ինձ դուր չի գալիս այն, ինչ դուք արեցիք: Հիմա դուրս կորեք այստեղից»,- Մակրոնը դիմել է ոստիկաններին:
«Ոչ ոք չի ցանկացել որևէ մեկին հրահրել: Խնդրում եմ հարգել կանոնները, որոնք գոյություն ունեն դարեր շարունակ: Բոլորը կհարգեն կանոնները»,- հավելել է Մակրոնը՝ դիմելով իսրայելական անվտանգության ուժերին:
«Եդիոտ Ախրոնոտ»-ը պարզաբանում է, որ Երուսաղեմի ոստիկանության աշխատակիցները գտնվել են եկեղեցու ներսում: Պարբերականը հիշեցրել է, որ նմանատիպ միջադեպ է տեղի է ունեցել 1996-ին, երբ լեզվակռիվ է տեղի ունեցել Ֆրանսիայի նախկին նախագահ Ժակ Շիրակի և իսրայելական անվտանգության ուժերի աշխատակիցների միջև՝ Տիրոջ գերեզմանի տաճարում: Այդ ժամանակ ոստիկանությունը պաշտպանում էր Շիրակին Արևելյան Երուսաղեմի քաղաքացիներից, որոնք փորձում էին սեղմել նախագահի ձեռքը:
Մակրոնը Երուսաղեմ է ժամանել Հոլոքոստի հիշատակի ֆորումին մասնակցելու համար, որը տեղի կունենա հունվարի 23-ին: