Լիբիայի ազգային բանակի (LNA) հրամանատար Խալիֆա Հաֆթարի ենթակայության տակ գտնվող ուժերը գնդակոծել են Լիբիայի մայրաքաղաք Տրիպոլիի ծայրամասում գտնվող Միտիգա օդանավակայանը՝ հայտնում է Interfax-ը։
«Այս հրետակոծումը սարսափելի սպառնալիք է օդային երթևեկության համար և Հաֆթարի զինյալների կողմից հրադադարի հերթական խախտում»,- ասել է ՄԱԿ-ի կողմից ճանաչված Լիբիայի կառավարության ներկայացուցիչ Մուհամմադ Կանոունին։
Նրա խոսքով՝ դեպի օդանավակայան «Գրադ» տիպի վեց հրթիռ է արձակվել: Միևնույն ժամանակ, կառավարության ներկայացուցիչը չի հստակեցրել՝ արդյոք հրետակոծությունից հետո կան փլուզումներ և զոհեր:
Միևնույն ժամանակ նշվում է, որ հրետակոծությունը հանգեցրել է տարածքում օդային երթևեկության խափանման։
Այս պահին Լիբիայում տիրում է երկիշխանություն: Երկիրը ունի համընդհանուր ընդունված ազգային համաձայնության կառավարություն, որը ղեկավարում է Ֆաիզ Սարաջին, և այսպես կոչված, արևելյան կառավարություն, որը ղեկավարում է Աբդալլահ Աբդուրահաման Աթ-Թանին: Նրան աջակցում է Հաֆթարը, որը 2019-ի ապրիլից սկսած հարձակվում է Տրիպոլիի վրա։