Այսօր՝ հունվարի 22-ին, ԱԺ-կառավարություն հարցուպատասխանի ժամանակ «Իմ քայլը» խմբակցության պատգամավոր Տիգրան Կարապետյանն անդրադարձավ ԱԱԾ նախկին տնօրեն Գեորգի Կուտոյանի մահվան փաստին. «Նաև որոշ շրջանակների համար շահարկման առարկա է դարձել: Պարոն վարչապետ, ուզում ենք լսել ձեր դիրքորոշումը»:
Նշելով, որ քննվող հիմնական վարկածը ինքնասպանության հասցնելն է՝ վարչապետ Փաշինյանն ասաց. «Ես կարծում եմ, որ ամենաշահագրգիռը պետք է լինեն պարոն Կուտոյանի ընտանիքի անդամները, և նրանք պետք է լիարժեք համագործակցեն նախաքննության հետ, որպեսզի ճշմարտությունը 100 տոկոսով բացահայտվի: Երաշխավորում եմ, որ կառավարությունն իր բոլոր լծակներից կօգտվի, որպեսզի այս գործը մինչև ամենավերջին դետալը բացահայտվի»:
Անդրադառնալով նախկինների շահարկումներին՝ վարչապետը ներկայացրեց, թե ինչ է արել կառավարությունը, և ասաց. «Ուրիշ ի՞նչ պետք է աներ կառավարությունը: Իսկ ինչո՞ւ նրանք այդ հարցը չէին բարձրացնում, երբ Հայկ Հարությունյանի հետ կապված էր դեպք տեղի ունեցել»:
Մանրամասները՝ տեսանյութում:
