Լուրեր
Այս փոփոխությունը ինչպե՞ս կազդի փոխանակման կետերի ընթացիկ աշխատանքի վրա. Բաբաջանյանը՝ Երիցյանին
  • 14:54
  • 2020-01-22
  • Դիտումներ՝ *

Այսօր՝ հունվարի 22-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Լիցենզավորման մասին օրենքում փոփոխություններ կատարելու մասին օրինագիծը

ԿԲ նախագահի տեղակալ Ներսես Երիցյանին պատգամավոր Արման Բաբաջանյանը հարցրեց. «Դուք կիսո՞ւմ եք փոխվարչապետ Մհեր Գրիգորյանի կարծիքը, որը 2019 թվականի մարտին հայտարարել էր, թե փոխանակման կետերը վտանգավոր են Հայաստանի ֆինանսական հատվածի համար»:

Նա հիշեցրեց, որ ԿԲ-ն նաև պետք է ստուգում կատարեր արտարժույթի առքուվաճառքի լիցենզիա ստացած անձանց շրջանում. «Ի՞նչ են ցույց տվել ստուգման արդյունքները»:

Պատգամավորը, հղում անելով նախագծի հիմնավորմանը, նշեց. «Արտարժութային դիլլեր բրոքերային գործառնությունները, որպես առանձին լիցենզավորման ենթակա գործունեության տեսակ, կդադարեն գոյություն ունենալ, և նշված ծառայությունները կմատուցվեն շուկայում գործող այլ ֆինանսական կազմակերպությունների կողմից: Ինչպե՞ս է այս գործունեության տեսակի դադարեցումը անդրադառնալու փոխանակման կետերի ընթացիկ աշխատանքի վրա, որովհետև հայտնի է, որ նրանք այսօր ավելի լավ պայմաններ են առաջարկում մեր քաղաքացիներին, զբոսաշրջիկներին, քան այն ֆինանսական կազմակերպությունները, որ նկատի ունեք դուք՝ ի դեմս բանկերի և այլն»:

Ի պատասխան՝ Ներսես Երիցյանն ասաց, որ փոխանակման կետերի տուգանքները բազմաթիվ են. «Սկսած նրանից, որ անդորրագիր չեն տալիս, չեն գրանցում գործարքները և այլն: Ես չեմ կիսում այն կարծիքը, թե փոխանակման կետերն ավելի լավ ծառայություններ են մատուցում»:

 

Մանրամասները՝ տեսանյութում:

  • Դիտումներ՝ *