Լուրեր
Հույս ունեմ՝ գիշերվա ընթացքում վերաիմաստավորել եք ձեր որոշումը. Էդմոն Մարուքյանը՝ «Իմ քայլին»
  • 10:23
  • 2020-01-22
  • Դիտումներ՝ *

Այսօր՝ հունվարի 22-ին, Ազգային ժողովում շարունակվում է հերթական նիստի աշխատանքը:

Երևան քաղաքի վերաբերյալ քննիչ հանձնաժողովի անդամների հաստատմանն առնչվող օրինագծի քվեարկության ժամանակ «Լուսավոր Հայաստան» խմբակցության ղեկավար Էդմոն Մարուքյանը հույս հայտնեց, որ քաղաքական մեծամասնությունը գիշերվա ընթացքում վերաիմաստավորել է իր որոշումը և չի տապալի քվեարկությունը:

«Հակառակ դեպքում կստեղծվի վատ նախադեպ, ինչը կարող է քաղաքական հետընթաց արձանագրել ժողովրդավարության իմաստով»,- ասաց նա:

Նրան միացավ նաև «Բարգավաճ Հայաստան» խմբակցության պատգամավոր Նաիրա Զոհրաբյանը՝ ասելով. «Թույլ տվեք ստեղծել հանձնաժողով: Ի վերջո՝ դուք վատ վիճակի մեջ եք դնում նաև ձեր քաղաքապետին»:

«Իմ քայլը» խմբակցության ղեկավար Լիլիթ Մակունցն էլ նշեց, որ «Իմ քայլը» չի մասնակցելու քվեարկությանը:

 

Մանրամասները՝ տեսանյութում:

  • Դիտումներ՝ *