Թուրքիայի ներկայիս Կայսերի (պատմ. Կեսարիա) քաղաքի հայկական Սուրբ Աստվածածնի ավետման ժայռափոր եկեղեցին բազմիցս ենթարկվել է և մինչ օրս էլ շարունակում է ենթարկվել գանձագողերի հարձակումներին:
Հարձակումների արդյունքում եկեղեցին բավական ավերվել է, հատկապես վնասվել են որմնանկարները` դրանցում փորված ճեղքերի պատճառով:
Բաղփընարի գյուղապետ Օմեր Նալբանթը թուրքական լրատվամիջոցին տված հարցազրույցում նշել է, որ եկեղեցու ներկայիս վիճակը իրենց համար ցավալի է ՝ հույս հայտնելով, որ պատկան մարմինները կվերանորոգեն այն ու զբոսաշրջային վայր կդարձնեն:
Նալբանթի խոսքերով՝ ինքը մի քանի անգամ երկաթե դուռ ու փական է դրել եկեղեցու վրա, սաակայն գանձագողերն ամեն անգամ դրանք կոտրել են:
Վերջում թուրքական աղբյուրը նշում է, որ Կայսերիի մշակույթի ու տուրիզմի նահանգային վարչության ներկայացուցիչների հայտարարության համաձայն՝ նահանգի բոլոր եկեղեցիները հաշվառվել են և որոշակի աշխատանքներ են նախատեսվում: Ժամկետների մասին, սակայն, տեղեկություններ չեն հաղորդվել: