Այսօր՝ հունվարի 21-ին, Ազգային ժողովում շարունակվում է հերթական նիստի աշխատանքը:
Անդրադառնալով քննիչ հանձնաժողովի ստեղծման հարցին՝ «Լուսավոր Հայաստան» խմբակցության պատգամավոր Անի Սամսոնյանը նշեց, որ ուսումնասիրության արդյունքում հայտնաբերվել են որոշակի պատճառահետևանքային կապեր, որոնք իրենց մեջ պարունակում են կոռուպցիոն ռիսկեր. «Այն ընկերությունները, որոնք գույք են փոխանցել համայնքին, ստացել են նաև որոշակի թույլտվություններ քաղաքապետարանից»:
Քննարկման վերջում Անի Սամսոնյանը հայտարարեց. «Այսօր ինձ համար տխուր օր է. այն ողջամիտ կասկածը, որ այս ամբիոնից ընդունեց նաև վարչապետը և համաձայնեց, որ պետք է քննարկվի այս հարցը, դուք փաստորեն չեք ընդունում: Ես միշտ բոլոր ամբիոններից ասել եմ, որ այս իշխանությունն ունի կամք՝ պայքարելու կոռուպցիայի դեմ, անկեղծորեն շեշտել եմ՝ ինձ չխնայելով: Բայց այսօր ես վերանայում եմ իմ այդ մոտեցումը»:
Մանրամասները՝ տեսանյութում:
