Այսօր՝ հունվարի 21-ին, Ազգային ժողովում շարունակվում է հերթական նիստի աշխատանքը:
Անդրադառնալով քննիչ հանձնաժողովի ստեղծման հարցին՝ «Լուսավոր Հայաստան» խմբակցության պատգամավոր Անի Սամսոնյանը նշեց, որ ուսումնասիրության արդյունքում հայտնաբերվել են որոշակի պատճառահետևանքային կապեր, որոնք իրենց մեջ պարունակում են կոռուպցիոն ռիսկեր. «Այն ընկերությունները, որոնք գույք են փոխանցել համայնքին, ստացել են նաև որոշակի թույլտվություններ քաղաքապետարանից»:
Խմբակցության ղեկավար Էդմոն Մարուքյանը անիմաստ համարելով ստեղծված բանի մասին քննարկումը՝ ասաց. «Հանձնաժողովն արդեն ստեղծվել է»:
Անդրադառնալով կոռուպցիոն խնդիրներին՝ նա տեղեկացրեց. «Երևանի քաղաքապետարանի բնակկոմունալ բաժնի պետը եղել է մրցութային հանձնաժողովի ղեկավարը, և այդ մրցույթին մասնակցել է նաև նրա քրոջ որդին և հաղթել է 300 մլն դրամի մրցույթը: Նա ազատվել է իր պաշտոնից, երբ թերթը հոդված է գրել այդ մասին, սակայն չկա հարուցված քրգործ»:
Դիմելով «Իմ քայլը» խմբակցության ղեկավար Մակունցին՝ Մարուքյանը զգուշացրեց. «Վարչապետն էլ է տեղյակ, թե դուք ինչ եք ուզում վաղը անել: Եթե դուք տապալեք քվեարկությունը, ապա այն կլինի մեծ հարված ՀՀ-ում ժողովրդավարությանը: Եթե վաղը տապալվեց, քաղաքական մեծ խնդիր եք ունենալու»:
Մանրամասները՝ տեսանյութում: