Բրիտանացի գրող Ջորջ Օրուելի առաջին կինը՝ Այլին Օ’Շոնեսին, համոզել է նրան քնել Բրենդա Սոլկելդի հետ, որի հետ գրողը նամակագրական կապ է ունեցել: Այդ մասին հայտնում է Daily Mail-ը:
Օ’Շոնեսին իրեն դավաճանելու առաջարկությունը բացատրել է Օրուելին երջանիկ տեսնելու ցանկությամբ: Այս մասին Օրուելը գրել է Սոլկելդին ուղղված նամակում: «Նա ուզում է, որ ես քնեմ քեզ հետ տարին երկու անգամ, որպեսզի երջանիկ լինեմ», – գրել է հեղինակը:
Օրուելի և Սոլկելդի նամակագրությունը, որը բաղկացած է 30 նամակից, ձեռք է բերել գրողի որդին՝ Ռիչարդ Բլեյրը: Նամակագրական կապը նրանց միջև սկսվել է 1936 թվականին, երբ Օրուելն ամուսնացավ Օ’Շոնեսիի հետ, և ավարտվել 1949-ին, երբ գրողն ամուսնացավ խմբագիր Սոնյա Բրաունելի հետ: Օ’Շոնեսին մահացել է 1945 թվականին:
Նշենք, որ Ջորջ Օրուելն առավել հայտնի է հակաուտոպիստական «1984» և «Անասնաֆերմա» երգիծական վեպերով: Գրողը մահացել է 1950-ին՝ 46 տարեկանում:
